weiter
zur hochdeutschen Übersetzung

Quelle:

Michael Beheim's
Buch von den Wienern
1462 - 1465

Hrsg. TH. G. von Karajan
Wien 1867
Wilhelm Braumüller
K.K. Hof-und Universitätsbuchhändler

Wie der kaiser den wienern den guldin adler wider
gab und in erst all ir schuld gancz und
gar uergass und uergab.

 


un warn in grossem zwankel gien
ich man die uor gsungen uon
daz man die underschaid wol spurt
und kennet welche stat in furt
also die wiener alle
mit froden reickem.



Nun worn in grossem zwanksel gien,
ich main die uor gsungen uon wien,
sie westen weder hin nach her,
in kainen iren sachen mer,
wes sie sich solten halten.
sy waren gancz uerschalten

Und uerlassen auff alle ort.
ainr rupft sy hie, der ander dort,
schir aller menglich yederman
wolt mit in sein geriten an,
sie woren gancz uerwaiser.
und unser herr, der kaiser,

Sass also still vnd sach mir zu.
er fraget nit wie oder wu?
ob ir ding sleht wer oder krumb?
er liess sy also zihen umb
vnd ahtet sein nit sere,
got geb wy im nur were.

Da nun die wiener in dem sturn
und der grassen anuechtung wurn,
da er dahtens aber den sin
und zugen zum andern mal hin
in die newen stat wider,
zu irm hern kaisre sider.

Wol mit uirhundert mannen sy
aber uielen auff ire knie,
vnd klagten jm iren krant werr.
>aller genedigester herr!
unser leib, gut und leben
woll wir alles ergeben

In eur durch leuchtigen genad
vnd kaiserlichen maien stad.
begebt, uergessend vnd harten sin,
dez wir wol haben schulde,
vnd gebt uns gancz eur huldr!

Und lassend vns nit yeder man
so umb zihen vnd uallen an,
wann wir musten uerderben gar!
gross mehtiger kaiser! nempt war,
wir wellens als er staden,
waz wir euren genaden.

Ubels vnd unrechtz haben tan,
das muss mit gut hait wider gan.
eurer grossen durchleüchtikait
well wir williglich sein perait,
vnder tenlich, geharsam,
mit diensten sa pewarsam!<

Und der kaiser wart, als man sait,
peweget mit parmherczikait
vnd sprach >ir solt gancz hon mein huld.
euch sol all eur misstat und schuld
nir mer werden gemesen.
pegeben vnd uergessen.

Sol euch daz wesen sunder schmaht
vnd nümmer werden gedaht,
ist anders, daz ir da pei bleibt,
vnd solches ubel nit mer treibt.
als ir yecz habt gerete,
so sol daz pleiben stete.<

Als die wiener daz horten, do
wurden sy ausser massen fro.
ir uil waren uor froden wainen,
do in der kaiser waz erscheinen
solch gross genad und hulde,
der selben sweren schulde.

Sein gnad er jn erst recht zu sait
vnd pestet in all ir freihait.
den guldin adler, den er in
mit erst genummen het uor hin
vnd auch geleget nider,
den gab er in do wider.

Doch waz ain under schaid auff gien
zwuschen der stat uon krems vnd wien,
daz man die vnder schaid wol spurt
und kennet, welche stat in furt.
also die wiener alle
mit froden reichem schalle

Hin zugen auss der newen stat
uon dem kaiser, der in denn hat
den guldin adler geben da.
den furtens gen wien vnd worn fro,
an ainer panir swebent
stund er recht alz er lebent.

Fur paz hart man kain posshait me
uon den wienern, als uor mals e,
nur geharsam vnd undertan
waren sie irem herren schon,
vnd dienten jm mit trewen
und heten grossen rewen

Umb dises laster, schand vnd schmaht,
das sy zu wien heten uolbraht.
dach wurden sy uerfurt mit ain
vnd sunderlich die arm gemain.
wer mag darwider iehen,
es ist doch nun geschehen.

Und mag nit anders wesen! nu
sol man daz pest reden dar zu.
der kaiser hat wal reht getan,
daz er in die schuld hat uerlan,
wann kain sünder auff erden
macht nie so übel werden,

Reucz in, got der uergeicz im als.
so teten die wiener des mals.
daz ich sie uor gescholten han,
daz ist mich auch nat gangen an,
wann ich waz auch pesessen
on trinken vnd ach essen.

Pei andern leuten in der vest,
darumb pin ich zarnig gewest.
vil ich dez selb gesehen han
vnd warhafft leut gehort da uan,
als ich dann han getichtet
vnd in dem puch perichtet.

Auch waiss ich michahel pehem
nit uilmer ze sagen von dem,
darumb so wil ich da uon lon
vnd yecz nit mer tichten da uon.
die uergebung und hulde
den wienern umb ir schulde

Nach ostern uirczen tag er ging,
do man uon gocz gepurt an uieng
uir zehen hundert iar vnd auch
im funff und sehczigisten dar nauch.
dis puch ist an dem orte,
got helff vns hie vnd darte!