weiter

 



 

A Streißl

Viel' Blüemeln sein schon so bekannt,
Dös laßt an ieder gelten;
Decht Blüemeln vun Tirolerland,
Dö sein sünscht woltan selten.
So hun i halt a Streißl 'brockt
Und unsri Alpenkinder,
Und ischt a koans in Treibhaus g'hockt,
Echt sein sie drum nit minder.

I hun sie 'brockt in Berg und Tol,
G'rod wie i sie hun g'funden.
In Wald a hie und da amol,
Und tief ban Bach herunten.
Wol vieli wearen ummer sein,
Dö's Streißl nit g'rod loben.
Decht g'fallt vielleicht a Blüemel drein
Dös mancher gearn weard hoben.