|
Das Büechl is g'widmet,
Und kert jetzt schan sein,
Den Herzog von Koburg,
Den d' Herrschaft kert z' Grein.
Is regieranda Herr,
Er hat sein aig'ns Land,
As hoaist Sax'n-Gotta,
As is alln bekant.
I sag enks, i han halt
Den Herzog in Ehrn,
Seinö Untatan
Dö hamdt'n a gern.
I schatz mas unendlö
Fir a gröaißö Gnad,
Das er mir dö G'sanga
Halt ang'numma hat.
Bi koain Untertan nöt,
Koain seinigs Landskind,
Drum is ma nu mehr Ehr,
Daß er in Schutz nimmt.
Und schick öembs mit Freud'n,
Ja nöt nuer krad oains,
I schick öemb schan mehra,
A Kistl a kloains.
Damit as kan austaln
Vaschiedanö Herrn,
Damits meinö G'sanga
Halt a iner wern.
Und a seina Frau oains,
All seinö Brüda,
An jed'n vaehrö
Halt meinö Lieda.
Königin von England,
Weils d' Schwägerin is,
Der schick i halt a oains,
Das i nöt vagiß.
Dö andern verehrö
Vaschiedanö Herrn,
Das d' Musi dazue schreibn,
Und g'sunga mögn wern.
S. Haydecker
|