s' Vorwort
A Buch han enk g'schrib'n,
Ran weils mi holt g'freit,
Und wan i haim kim
Zu meinö Landsleit:
Und das enk halt aft
Wos nois kinát sag'n,
Und das ös á wißt
Wos mi kinst dafrag'n.
Is freulá hübs lang
Das i bi dáhuent g'wön,
Do kan i holt nu
Dößl Sprach mit enk röd'n.
Mein dös wißt ja eh,
Dös kens ja in röd'n,
Und wo i he bi,
Und wos i bi g'wön.
Und wos i jetzt bi,
Dös brauch enk nöt z' sag'n;
Schauts in mán Bich'l,
Aft brauchts nimá z' frag'n.
Und wo i jetzt bi,
I sagát enks schan,
Warumb soll igr sag'n?
Schau 's Titl-Blat an.
Und wo i hin kim,
Jetzt derf igr nöt sag'n;
Mein, möchts mi den nöt
Spättá á mohl frag'n.
Ja dort kunt enks sag'n
Schan, wan i nu löb;
Und bin i schan g'storb'n
So sag i enks nöt.