Vorwort
Wem sollt i wohl den erst'n Busch'n
Schenk'n, den i bindt?
Wem den sunst, åls Dem, der går so
Schön und liab empfindt,
Wem denn sunst åls Dem, der unser
Flinserlschlåg'r is;
Der vasteht mein guadi Manung
A å best'n g'wiß;
Der wird wohl dö schlicht'n Bleam'ln
Do nöd dåni kain
S' müaßt mi sunst'n, daß i's brockt håb
Åll mein Lebtåg reu'n. —
Åba na — Eam is dös Landl
Und dö guadi Erd
Wo i's g'fund'n håb und z'såmmbrockt
Üb'r ållas wert!
Dößweg'n wird r's nehma,
Dößweg'n wird r's mög'n,
Wird's da liab'n Heimat z'Lab schon
Går nöd wega leg'n. —
Wås ma herzli gibt von Herz'n
Wånns a kloan und weng;
D'guadi Manung is dös Besti,
Bei an iad'n G'schenk.