zum Index

zurück

Quelle:

Samhaber Edward
Dichtungen

Laibach 1887
Verlag von Kleinmayr & Bamberg

In heimatlicher Mundart

's Hügerl Á Stubn aus sechs Bredern Öppá Schartn dázue, Du liegst wia áf Federn, Hast ewigö Rue. Bilderln und Bleameln, Nan, wann's di nöt irrn, I gáb dir's halt mit, Dáß's di á á wenig ziern. Á Kreuzl bei dir Und á Kreuz áf'm Grab, Das is nu, mein Liaber, Dein oanzigi Hab. Do druckt di á 's Hügerl Recht föst und recht hart, Wia lang wird's di drucká, Wia lang denn? Nan roat! Woaßt nöt, dáß á Zeit kimmt: Verklárt stehst du áf Und kriagst für dös Drucká Nu d' Seligkeit dráf. 's Waldhäusl Im Wald steht á Häusl    Danöbn rinnt á Bach, Und beim Bach singt á Zeisl    Dem wischplá'n nach. Es singt dir so herzö,    So aufrichti gmoant, Do 's Dirnderl schaut außá    Beim Fenster und woant. Was woanst denn? Geh weidá,    Schau Dirnderl, sei stád! Scheint d'Sunn morgn, wann's heunt á    Recht wedert und wáht. Do 's Dirnderl woant weidá    Uns laßt si nix sagn, Es kanns halt schan nimmer    Im Herzn dertragn; Es is eahm alls zwidá    Und thuet eahm alls weh: Wo d' Liab is zergangá,    Du woaßt ás ja eh. Der Recrut I. "Nan, pfüet enk und bleibt's halt Recht gsund, denkt's an mi, Und schreiben wer i á bald, Wann i z'Linz ámal bi." Is 's wirkli zum furtgen, I kann dir's nit sagn, Aber moan tue i schan, I kann's nimmer dertragn. Du bist ja mei liabster Und oanziger Bue; I moanát, der Koaser Hätt andere gnue. "Ja, Schnecken! Der Feind kimmt — Beißt manchá ins Gras — Du redst halt, mei Muedá, Woaßt selber nöt, was. Was jung is und kernö, Mues irz dávan, Geh, Muederl, was hast denn, Was woanst mi so an?" Sö, Michel, da hast nu Á Wuchtel, auf d'Roas Und án Beutl, den heb der Fein áf, is was Bars. Und vergiß mir den oan'n nit, Du woaßt, wen i moan, Aft fallt mir vom Herzen A großmächtiger Stoan. Mit der Sunn steh mir áf, Mit der Sunn geh in d'Rue, Aft bet's Vaterunser, Versprich mir's mei Bue. Wo 's fluechn und saufen, Da halt di hindan Und häng di an Kártná Und d'Menscher nit an. Hast á paar Groschen, So leg dir's brav zsam, Und iez nu án Weihbrunn Und geh in Gotts Nam! II. Der Michel zoigt weidá, Pfüet Gott, mei liabs Hoam! Da grüeßt 'n á Vödá Und dort schreit á Moam. Und beim Häusl, beim letzten, Stehts Dirnderl nur da, Halt't 's Fürtá für d'Äugerln, Es rinnt, wia á Bah. "Mei Michel, mei Michel, I han di so gern! Du wirst auf der Weit Do koan Anderner wern?" I kimm, wia i bi, Und da hast mei Hand, Und iez nu á Bußl, Aft geht’s vonanand. Schau trenz nöt! Aufs Jahr, da Is all's wieder recht. — "Ja, wann's di dáschoißn, Sö sán schan so schlecht." Und wann's mi dáschoißn — Du sákrische Dirn! Du machat's mi selber Bald woach wia áBirn. A Sträußerl für'n Huet Und á Schmátzerl áf d'Wang! Jez, Dirnderl, nan pfüet di Und trenz nimmer lang! III. Dort obn auf'n Beri Schaut der Michl nu um; Da lágs untn sei Dörfl, So liab ummadum. Schen blau is der Himmel, Der Wald is so weit Und 's Wasserl so lusti Und d' Vögerl voll Freud. Dort ob'n auf'm Beri Steht á uralter Bám; Dort sám mer oft gsessen Halb wach, halb im Trám. Du, kimmt öppa s' Dirnderl Zu dir wieder he, Sag, i laß's grüeßen, Das áner woast e. Und iez geht's thála, Und furt aus'n Blick Is n' Michel sei Hoamát, Sei Liab und sei Glück. IV. Bleamerln verkriachen, Dö Vögerln fliagn a, Und kehr um á Hand, Is d' Schneegwáht vorbei, Und 's Auswärts kimmt wieder Und all's wird wia neu. Áf der grean Lindn Hebts Zeiserl schon an, Und d' Wachtel in Halmá Stellt á schan irn Man. Ja, reck nur schön hoamli Dein Köpferl in d' Heh, Bist dernát, mei Veigerl, I kenn di ja e. Du kannst aber speanzeln, Wispelt der Bah. Und 's Schmalzbleaml zwingátzt Und busselt 'n a. Aus'n Bámern schaut's Kircherl So treuherzö raus, Und Glockn thán läuten: Kemmts einá ins Haus Und fallts auf dö Knia Und hebts engrö Händ Und dankts unserm Herrgott: Der Kriag hat á End. Wia der Schnee von dö Felsen In d' Schlucht abi saust, Wia der Wind aus'n Bergen Ins Thal dahinbraust, Wia vom Himmel der Blitz Und d' Wellná vom Strand, So floigt der oan Jubel Durchs Österreicherland. V. Schen stád hintern Ofen Sitzt's Muederl alloan; Es red nix, es deut't nix Und is wia á Stoan. Denn weit übern Bergen, Hindan auf'n Feld, Da liegt ja ihr Oanzögs, Ihr Liabst's áf der Welt. Und znáchst hintern Dörfl An d'Mauer hing'wáht, Liegt o kloans Hügerl Recht hoamlö und stád. Und dö schneeweißn Glöckerln, Dö kinnen dir's sag'n: Da unt liegt á Dirnderl, Hat's nimmer dertrag'n. Nur 's Herz von der Muedá Halt Blitz aus und Sturm; Erm geht’s wia án Bám; Der stirbt an án Wurm. Und so langsam und stád, Wia der Bám, so verdirbt Á 's Herz von der Muedá, Der 's Oanzige stirbt.