|
Die lateinischen Texte entsprechen dem XVI. Jahrhundert! |
|
1. |
Die lateinischen Texte entsprechen dem XVI. Jahrhundert!
1.
In Marci Thenn album amicorum.
His ego, Marce, tuo scribo mea nomina libro,
Absentis possis quo meminisse mei.
2.
In album Ludovici Heinzelii.
Christophori, Ludovice, tui non immemor esto,
Namque ego Christophorus sum, Ludovice, tuus.
3.
In picturam Bachi et Veneris.
Certe si quis erit, qui spernere possit utrumque,
Hunc coelo dignum pectus habere reor.
4.
In tumulum M. Matthaei Küenperger.
Mathaeus Küenperger in hac est eonditus urna.
Ante homines virtus, spiritus ante deum.
5.
In obitum nobilis viri d. Sebastiani Kölnpekii [† 1584.]
Conditor hoc tumulo Kolnpekius ille Sebastus,
Fama bona ante homines, vita pia ante deum.
6.
In picturam Florentiae et Venetiarum.
Nil inihi cum Venetis, servit mens ardor Hetruseis,
Florentina mihi urbs hac mage Sena placet.
7.
In quemdam sponsum nomine Rebhun.
Omnis homo primum ponit bona fercula, sed nunc
Post coenam perdrix fit commensatio sponsae.
8.
Si, cjuoties optat coniunx, sua tela maritus
Applicet, exiguo tempore inermis erit.
9.
In quemdam famelicum.
Es vitulus, maior quo fias, coraua iungam,
Hac faciam ex vitulo coram inus arte bovem.
10.
Ad prosperum infaustum.
Ingrederisque rosis. ducta estque Rosina tibi, sed
Crede mini, semper proxima spina rosae est.
11.
In picturam formosae adulescentulae.
Forma, nisi admittas, nullo exercente senescit:
Nee satis effectus unus et alter habet.
12.
In imaginem amantis.
O amor, o curae, o inania somnia noctis,
Pectora quam variis luditis aegra modis!
13.
In aliam imaginem puellae.
Blandior interdum verisque simillima verba
Eloquor, et vigilant sensibus ora meis.
Ulteriora pudet narrare, sed omnia flunt,
Ut iuvat, et sine te non licet esse mihi.
14.
In imaginem adulescentis.
Molle meum lenibus cor est violabile telis
Et semper causa est, cur ego semper amem.
15.
In usum lacrimarum.
En lacrimae prosunt, lacrimis adamanta movebis;
Fac madidas videat, si potes, illa genas!
16.
In casum quem dam.
Venator cum transit aquas armatus, inermis
Illi pulchra dolo presbiter arma rapit;
Hanc vim, dum statuit procerum mulctare senatus,
Me peperit domino . . . . . .
17.
In quamdam pseudomatronam.
Sis bona vel mala sis, non dico; at non male dico:
Si de te dicit qui bene, dico malum.
18.
In divam Magdalenam lacrimantem.
Nix ego, sol Christus, radiorum ardore liquesco;
Nil mirum, ex oculis si fluat unda meis.
A l i u d.
Dura velut glacies blando sub sole liquescit,
Sic mihi sole tuo, Christe, liquent oculi.
19.
In fortunam adversam.
Deficiunt animi rebus plerumque sinistris.
Nec facile est aequa tristia mente pati.
20.
In amicum.
Est Venus interdum nulla medicabilis arte
Aut, si sit, longa diminuenda mora est.
21.
In voluptates.
Otia deliciaeque nihil memorabile suadent,
Illa labore vacant, hae pietate carent.
22.
In beneficium.
Quaeque animi virtus tanto conspectius in se
Lumen habet, quanto benefactor maior habetur.
23.
Aliena placent.
Fervidior Venus est alieno semper in arvo,
Vicinique uxor pulchrius uber habet;
Dulcius est vinum aliena semper in urna,
Vicinique mei suavior uva mea est.
24.
In sitibundum.
Longa mora est nobis omnis, quae poeula differt
Da veniam lasso, sum sitibundus homo.
25.
Nescio, qua muliebre genus dulcedine cunctos
Ducit et immemores non sinit esse thori.
26.
Qua re quis potest, hac utatur.
Si vox est, canta. Si dulcia pocula, pota,
Sique placere potes munere amoris, ama!
27.
In ebrios.
Sobria laudatur nunquam vita, ebria semper;
Dummodo sit bibulus, barbarus ille placet.
28.
In crucifixum Christum.
Ut pullos gallina sub alis, Christe, sub ulnis
Nos tegis extensis; homo quid det? credat ametque.
29.
In eundem.
Quis cruce in hac? sanctus sanctusque Jehova!
Cur? homo causa; dei est hoc miserantis opus.
30.
In crucem Christi.
Arbore peccat Adam? luit hoe crucis arbore Cbristus;
Arbore mors orta est, arbore vita venit.
31.
In coniugia.
Usibus edocto si quicquam credis amanti,
Virginem ama et longe facta hymenaea fuge!
Vive tibi, quantumque potes, vitato maritam!
Hanc saevum fuerit namque iniisse tibi.
Crede mihi, bene qui cubuit, bene vixit et intra
Foemineum debet quisque manere femur.
Felices animae, quibus haec cognoscere primum
Inque sinus medios scandere cura fuit.
32.
In amasiam Marianam.
Dulcis amica mea est tarn re quam nomine Manna
Illa solum, illa polum temperet et Maria.
33.
Ad Calaminum poetam.
Incinxit veluti Phoebus tua tempora lauro,
Auro sic digitum nos Calamine tuum.
34.
Aenigma in annum.
Suspendo speculum Paphiae, quia cernere nolo,
Quae modo sum, et nequeo, quae prius ipsa fui.
35.
In amorem.
Crede mihi certum, duro qui servit amori;
Is nutu alterius vivit et moritur.
36.
Amore abstinendum.
Donec abest iaculum nervo, fugiamus amantes;
Quum semel intravit corda, perimat amor.
37.
De amore.
Saepe volare ad me volucres didicistis Amores,
Inde volandi autem dedidicistis iter.
38.
In puellam inconstantem.
Quam tibi mens levis est, tibi si pes tarn levis esset,
In medio leporem posses praevertere campo.
39.
In desperabundum.
Forti animo mala fer, nec bis miser esto dolore,
Nec cito Venturis praemoriare bonis!
40.
In fabulas Aesopi.
Si fructus plus flore placet, fructum lege; si flos
Plus fructu, florem; si duo, carpe duo!
41.
Non semper adversa.
Si numeres anno soles et nubila toto,
Invenies nitidos saepius esse dies.
42.
Ficta qnandoque iuvant.
Omnia pro veris credam, sint ficta licebit;
Cur ego non votis blandiar ipse meis?
43.
Ad puellam quamdam.
Et flesti et nostros vidisti flentis ocellos,
Miscuimus lacrimas moestus uterque meas.
44.
Ad eandem.
Quas mihi blanditias, quam dulcia verba parabat,
Oscula, dii magni, qualia quotque dabat!
45.
Ad eandem.
Tu nostris niveos humeris impone lacertos!
Corpore nos facili dulce feremus onus.
46.
Ad eandem.
Cantabam, memini (meminerunt omnia amantes),
Oscula cantanti tu mihi rapta dabas.
47.
In aliam puellam.
Nix ipsa es virgo et nive ludis; lude, sed ante
Quam pereat candor, fac rigor ut pereat.
48.
In lacrimas.
Funde oculis lacrimas, suspiria pectore! Nunquam
Aura vel effusis deficit imber aquis.
49.
Cum mihi nunc ineunda palus inamabilis undae,
Christus erit vobis portus et aura meis.
50.
In homines infidos.
Omne genus pestis superat vox dissona verbis,
Cum sentes animi florida lingua polit;
Dispereant, qui se prodesse fatentur et obsunt,
Discat in auctorem poena redire suum!
51.
In falsos et peiuros.
Saepe fidem falso mendicat inertia teste,
Saepe solet pietas criminis arte capi.
52.
In linguam infidam.
Non satis est tutum mellitis credere verbis,
Ex hoc melle solet pestis amare sequi.
53.
In ingratum.
Reddere gaudet homo nequam pro melle venenum,
Pro fructu poenam, pro pietate dolum.
54.
Ad hospitem.
Emendat conditque cibos clementia vultus,
Convivam satiat plus dape frontis honor.
55.
In curas.
Quam timor obnubit, non est sincera voluptas;
Non est sollicito dulcis in ore favus.
56.
Pro paupere.
Pauperies si laeta venit, tutissima res est;
Tristior immensas pauper abusus opes.
57.
Vota viam invenient aderitque vocatus Jesus;
Huic mea si placeat vita laborque, sat est.
58.
In divam Magdalenam.
Victrix gutta cavat lapidem; te, petra salutis,
Ah sinito lacrimas vincere, Christe, meas!
59.
In candem.
Gutta cavat lapidem: sic tu dulcissime Christe,
Qui mea petra, meis vincere lacrimulis!
60.
In famelicum.
Magnus es, es locuples, fecisti multa proterve;
Quid meritus? quam dat perfida nupta crucem.
61.
De amore.
Non est, crede mihi sapientis dicere: amabo;
Serus amor nimis est crastinus, arde hodie!
62.
In vendentem asinum uxoris.
Quid mihi das asinum? sinus est, dare sufficit unura,
At reliquum coniunx dat tua, nempe sinum.
63.
De amore
Nil amor est aliud [profecto] quam sine vita
Vivere, nil aliud, quam sine morte mori.
64.
Procus.
Sit mihi dives anus coniunx, sit pulchra puella;
Altera propter opes, altera propter opus.
65.
Puella pauper.
Qui det opes et opus peragat, sperare puellam
Me faciunt inopem forma, iuventa, pudor.
66.
Anus dives.
Sim deformis anus, rixosa et sim male nata,
Donec opes mihi sunt, non mi deficit opus.
67.
Jocus.
Inficit ancillam, si quis vult parcere nuptae,
Si quaero effugium, futilis ille labor.
68.
Vive deo, quantumque potes terestria vita
Propositique, precor, carbasa pande tui.
69.
Armate mentem ratione adversus amorem
Gloria, pax, requies, palma, triumphus, honor.
70.
Ad. d. de Hohenwart.
Deiiciat miseram tibi nulla molestia mentem,
Si longa est, levis est; si gravis est, brevis est.
71.
In hominem levem.
Quam tibi mens levis est, tibi pes si tam levis esset,
In medio posses leporem praevertere campo.
72.
Tumulo bibonis.
E terra genitus sub terram morte recondar,
Ergo lagena mini terrea plena vini.
* * *
Anhang.
1. [Scito magistratus, scis cur plebs rustica scindat,
Sciscitat: ascicet iam sibi nescio quem.
2. Foeminei coetus cur Martia castra sequuntur?
Scilicet ardet adhuc Martis amore Venus.
3. Nempe movent superos pocula, vota, preces.]
nach oben
