|
Ein Wörterbuch |
Dear hat's! Der Krat af der Kanzla, Dear wettert und schreit: "Ös saggara Buaba — Laßt d'Madler in Keit!" Der Jörg ist a schlaucher Und denkt sig schua recht, In Krat muaß ma' folga — Nu' lieb i halt decht; Ma kannt ja — so muant er O wöchsla(n) a Zeit, Der Weg war zu mir wie Zu ihr grad so weit. In Krat dem weard wöhler, Er findet sei Ruah, Gea i zu kuan Madl — Nu 's Mad'l zun Bua. Eilig Früah z'Morgats um vier, Da schlöht uar an d'Tür, Dear schreit und graballt, Ziacht d'Glogga und schallt: "Hoi Dokter — steat au'!" ""Was geit's denn!"" — schreit drau' Der Dokter voll Angst, ""Daß D' gar a so zangst?"" "O mei' jö Herr Dokter, i bitt Enk recht schia, Ös müaßat mit mir in D'Au ocha gia; Um's Harz fahlt's in Weibla, und dös wotta toll, Kannt sei' es ist z'spat, daß i heunt Enk earst hol." ""Weil's z'spat ist — kimmst hea, Warum kimmst it amea?!"" "Zearst kimmt decht der Stall — kannst it allwig grad gia, D'Kuah hat ja nacht kalbst — dös gilt uam decht mia." Der Eid Am Gricht geat's zua — ist dös a Larm! Grad bringt an Zeug no' a Schendarm. Dear weard iatz gfragt — schua fürchtlig lang — Ma' siecht es ist ihm angst und bang; Z'löst haßt ma' 'hn gar no' schwöra drau'. "Ja" — söt der Baur — "da höb i au' — Glei' alle fümfa — it nu drei — Daß d'Warchat gwieß, — wie i sag sei." Dös globt der Richter freilig o — Und decht b'steat dear grad af die drei; Mit'n Baur sein Eid ist's iatz vorbei. Mit alla fümfa hatt' er's g'wagt — Nu wenn er zearst in Pfarrer fragt — Dönn kannt's no' sei' — Er tat's mit drei. In's Schwabaland Wie d'Sunna heunt af d'Straß heascheint, Kua Windla waht — ist dös heunt hoaß! Decht in der Höll bein beasa Feind — Kua greaßra Hitz geit's — wie ma' woaß.  Da geat a Büabla ganz a kluan's — Am Buggl Sack und Rögadach; Und weil dös Heiterle schlecht z'Fuaß A Stöckla hat's — daß es 's dermach. Im Taschla, dös es acha hängt, Hat's Gstrauba no' vo'r Muater mit, Um dia hat's n'o voar's fort ist gmöngt, Denn 's Ei'keara — mei' — dös tröht's'hn it. So humplat's weiter für und für — Es ist wol müad, ma' siecht'hn's o'. A Brünnla kimmt — da trinkt's mit Gier Und beißt derzua d'löst Gstrauba o'. Grad wie's iatz wieder Wasser faßt, Fallt ihm a Zacher über d'Wang; Es druckt 'hn schua grad 's Harz a(b) fast, Weil's Huam denkt — weard 'hn gar so bang. An d'Muater und an d'Gschwistert all' — Mei' Vater hat's ja lang kuan mia — So denkt's halt zrugg an dies und sall An's Nachbers Lenz — o dear hat's schia! Der Lenz ist halt a reicher Bua, Dear kann dahuam bei'r Muater sei', Und i bin arm — da woaß ma's schua — Wenn D' söv'l bist muaßt außa glei(ch). Im Schwabaland wearst schiganiart, Dös hat er z'oft schua g'heart amea. Er druckt, er reart und simaliart; O 's Huamweah Mensch — o dös tuat weah. Da daurt's it lang, schlaft 's Büabla ei'. Es tromt und muant bein Sepp in Bett — Da lieg's — o jö da dunkt's es fei' Dahuam! Dahuam — da ist's so nett! Und d'Muater steat so voar'hna dönt, Dö söt ihna dös Versla voar Vom Engl und vom Jesukind — Grad nu' für dös hat's iatz no' Oahr: "O Jesukindl komm zu mir Und mach ein frommes Kind aus mir, Da in mein Herz kommt niemand hinein — Als Du o liebes Jesulein!" Und d'Handla hebt's zun Himml au', A Gräusch — a Liacht — da ist's derwacht; Voar ihm da steat a weißa Frau, Dö is so schia, so guat und lacht. Ja d'Himmlmuater ist es salt, Drum fallt af d'Knie glei 's Büabla hi'. Es siecht in Schei' — dear alls derhallt Und d'Wolka — wo s' zun Himml zieh. "O Muatergottes", hebt er o' Und schaugt zu ihr voll Andacht au', "Du woaßt es ja wie i bin dro' — So arm und elend lieba Frau. O müad und matt bin i halt schua, I kimm heunt in kua Oartschaft mia. Gwieß dauert's it lang, da nachtet's zua, O hilf nu grad — i bitt Enk schia!" Af dös Geböt druckt sie in d'Hand Döm Knatterle a Galdstuck drei(n); Redt ihm no' zua, daß er kua Schand Der Muater mach und brav söll sei'. Da, wie er sig bedanka will — Ist d'göttlig Frau schua nimma da. Es rauscht der Wald — süst ist alls still — Nu' 's Bachla rieslt no' durcha(b). Wie's Büabla kimmt ganz zua sig salt, Da kimmt'hn d'Frau erst gnau in Sinn, Kua' zwoata geit's it a' der Walt: 's ist "Inser Frau vo' Gunglgrün." A Waga rumplat d'Straß durcha'; O iatz geit's Hilf! da ist er au' Und lost drau hi' — iatz tröht's'hn 's ja! Glei hockt er z'öberst oba drau'. Gar kuar in ganza Waga nit Hat so a Fröd wie dear am Dach! Bei dön geit's heunt nu'no' die Bitt: "Daß Gott o über d'Muater wach!" Schmecks "Hi geh! — gea hot! Da kimmt der Sepp aha! Ö Sepp grüaß Gott — Wie geats der Muater, ha?!" ""Der Muater?! söt der ua' — Ei ja — es geat ihr schua."" "A so — es geat!" Was muanst — hat's dear iatz gwißt Wie's mit ihr steat? Er fahrt amal — gea! — wist! Wie' halt oft geat Vo' "Wald" af "Imst" hea kimmt a Baur; O mei' Herr jö hat dear a Traur — In Weibla fahlt's — dös is a Kreuz. Zwoa Tag knietiaf in Bett schua leit's, Bald ist sie grad wie in an Bad, Und 's uamal drau' — ma' woaß kuan Rat, Da schnagglts Dir verlauter kalt; Nu', wie ma söt — stuakrank ist's halt. D'rum hoaßt's zun Goktor nu' grad schnall, Da braucht's a Hilf af alla Fall. Wie dös der Dokter alls hat gheart, Verspricht er decht, daß s' besser weard, Und schickt in Baur um d'Medizi' No' gschwind zun Apotheker hi'. Dear tröht'hn no' — dön arme Totl Föst au' — daß er s' halt ja gwieß rottl; Voar jed'n Ei'guß müaß er's thia — Und wie er zahlt hat — kann er gia. Ja ja, denkt dear, und knapp't derzua, Toll rottla — ja — dös wear ig s' schua. Drau' kimmt der Baur — nach fümf sechs Tag Und söt, daß 's Weib halt nicht vertrag; Döa Rottla weard ihr z'stark — i mua Es geat dear Haut durch Mark und Bua(n). I hon s' o grottlt mit aller Kraft, Nu' gnau a so wie Ös mi' gschafft. O jö! dear Dokter brüllt'hn o': "Du Himmelssaggra — was hast to'?!" ""Nu 's Weibla schüttla tua ig toll, All'mal — voar an iada Löffl voll. So hat der Apotheker gsöt — Und's Schüttla woaßt — ist zearst mei Fröd. I hon ihr's gsunder o sia to', D'rum hon i gmuant s' wear' gwöhnt sei' dro'!" 's best' Mittl gega'n Rausch Der Lois und no' a Kamerad Sei' heunt im Wiartshaus gsessa, An iader sauft — was rinnt nu' grad, Jatz weards bald Zeit zun Essa. Da stia sie au'. — Was ist denn heunt?! Der Lois, dös zearst a gaacher, Dear fluacht. — Der Jörg dear lacht — söt: "Freund! Dei' Rausch — dös is a waacher, Gea scham Dig decht Du alter Lump; So hon' Dig gar nie gsöcha. Jö! schwarggla tuast — wie 's Böckler's Krump!" ""A Tirml ist's — vom Röcha! Muanst die paar Fraggl sei's?! o mei! A siebna hat mir nie nicht gmacht!"" "Nu ja — was woaßt — es kannt ja sei' — Daß d'Schuld grad 's löst hatt' — grad dös acht! Und gega' dös muan i war's Best — Jatz losn nu grad au' — Trink 's nachstmal glei' am Anfang 's löst Und d'uana oba drau'!" Wie d' Madler schua sei' Bua: Wenn's wittert und sturmt, Stockfinster ist d'Nacht — Dös ist mir all's gleich, Wenn's Madl nu' wacht. Sie: Zu mir brauchst it z'kömma, I tua Dir it au' — Da wurst Dig woll schneida — Muanst, daß i Dir trau?! Bua: Wenn's it geara tuast — Laßt's Fensterla zua; 's geit Madler no(ch) mia, Du bist it allua. Sie: Da schaug nu' wie stötig — So muaß ma' it sei'! Vielleicht — wenn D' fei' bittest — So laß i Dig ei'! **** Spat d'Nacht ist es gwöst, Da kimmt er — der Bua, Er woaß es ja gwieß — Sie tuat ihm it zua. — Zu was denn a Bitt, Es ist ihm it bang — Kimmt er zu sein Madl, So klopft er it lang. Jatz schleicht er zun Fenster. Af uamal da kracht's — Er leit in der Gilla, Und ober ihm lacht's. Schlecht's Latein Zun Baura Dokter kimmt der Wast: "Ak'rat hat's gwirkt, was D' geba hast!" ""Ja Rhamlus und Catharticus, Dös woaß ig ja, daß's halfa muaß!"" "Was!" schreit der Baur, an Ramml hoaßt Du mi'! Da se!" — springt au' und haut'hn uana hi'. War drumma weart Wer kennet's it — bein Kitz dös Dachl! — Da hocka s' dönt dö Dörcher Klachl. An iad's sei Pfeifla — Weib und Mo', Der klia'sta Rozer zündet o'. Verliebt sei All' — halt besser kuar, In Weib ist's gleich — mag sie nu' uar, Ist's Glück schua da, es fahlt sig nicht; Hat sie no' mia, döt hat's a Gsicht. Da ist a Löba! Da geat's zua! Grad uanar heunt a junger Bua, Dear mugst sig it und hängt in Kopf; "Was fahlt denn dön — dön arma Tropf?!" ""O mei',"" söt uar, dear hockt so da, Ma muaß wohl decht grad lacha dra'. — A zwoa — drei Rippa hat er ei', Vo'r löst Raff'rei — süst söll nicht sei'."" D'Hauptsach In Büabla ist sei' Nomastag, Drum fahrt ma' heunt af Nassereith Dös ist so lang ma's denka mag, Bei's Kramers Brauch — a sölla Zeit Die muaß ma' feira — sall ist gwieß. In schiasta Waga so ma' woaß — Es ist kua zwoater it am Rieß, — Dön kriagt der Poster mit af d'Roas. Heunt geats dahi'! ha dös war fei'! Und z'Nassereith, da weard it gspart, A Bachnes, Würst — o Bier und Wei' — Nu nobl heunt, dös gheart zur Fahrt. Der Poster o — dear sauft Dir grad So viel er kriegt und acha bringt; Denn denk Dir nu' — es war woll schad, Wenn uam a söller Suff derglingt — Da sauft ma fest, loft it dervo' Und weg'n an Rausch, da leit nicht d'ro(n). — Wie's kimmt zun Fahra — Jösses na! Der Gutscher siecht all's dopplt schua. Jatz globt er's salt, daß D'Welt sig drah; Er haut af's Roß — hi! hi! spring zua! — Der Gaul an Riß — der Waga leit! Der uana da, der ander nöt, Alls ist voll Bluat — o meine Leut, Ist dös a Jammer — dös a Gfröt. In Poster nu' ist's gleich, dön Schwanz, Dear fragt iatz lei: "Ist's Gütschla ganz?" Was heb ig o'? Liebst an Bua, Hast kua Ruah — Schaugst kuan o', Kriagst kuan Mo'; Ledig sei — Ist a Pei'. — Kreuzsaggradi Was tua iatz i?! A'gschlüpft Der Katechet erzählt a so, Daß überall der Herrgott war, In alla Wink'l sei er o — Im ärgste Loch im Kaller gar. "Herr Katechet", fragt iatz a Bua, "Bei uns in Kellar — wie ist's da?" ""Gar überall — iatz gib a Ruah — Dös ist do' gwieß, da ist er ja!"" "Eux," söt der Bua, "döt iat er it' Miar haba ja kuan Kaller ist!" Bein Bauradokter Wast Es geit gwieß kua Krankat, Sall ist amal wahr, Wo si(ch) inser Dokter It auskennt af's Haar. Zoagst ihm nu' dös Glasla, (Woaßt ja was i mua) An Rottler — an Blick und — Wo's fahlt woaß er schua. Drum bringt ihm nacht d'Zenzl Uas von ihr'm Mo', Dear no' von an Fall An Bruch hat dervo'. Er hebt's gega's Liacht, Schaugt recht gscheider drei(n), Drau' muant er: "Es ward halt — A schwarer Fall sei'!" ""Akrat,"" söt glei d'Zenzl, ""Vom Fall rührt dös hea!"" Drau' er: "Übers Stiegla?! — Soviel i verstea!" ""Ja, ja — über's Stiagla!"" Söt sie wieder drau'. Er muant: "A vier Staffl, Ma' siecht's it recht gnau." ""Vier Staffl sei' zwianig"" Söt 's Weibla zun Wast, ""Sechs Staffl hoach weard er Schua gfalla sei fast."" "Ja, ja" — hat af dös hi' Der Dokter si(ch) gmahrt — "Da hast halt vom Wasser Dös uana verlaart." ""Daß Gott — schaug wie gscheid! Dös kennt er sogar, Nebafür grunna ist's — Meinoach es ist wahr!"" Am Bahl (A Huangart) A Madla hockt im Winkl schna Zwoa Stund glangt it — es kimmt kua Bua. Und wenn uar kimmt — muanst grad drau'hea — Sie hockt hald decht no' — wie amea. "Dös", söt der Senn "sei schua amal An alter Brauch am Heara-Bahl." Jatz fallt in d'Red der Goaser ei': ""Woaßt it, daß dös söll nobl sei'?!"" "Na dös geit's heunt am Alb-Bahl it! Da geit's kuan Kratzfuaß, geit's kua Bitt, Und Madla hocka, siechst da kuas — Dös war a Fest — ha Hans" — ""I mua's."" (Bein Tanz) Sepp: "Hoi Madl — grüaß Gott! Gea roach mir Dei' Hnd. Musikante spielt an'! — Kimm tanz mer mitnand!" Zenzl: "Je gleimer, je feiner, Heunt nimmt ma' 's it gnau; Nu se — wöga meiner — Hast an Schmatz obadrau'." Der Lehrer vo' Gartschins Der Lehrer, mei', der war it schlecht — Nu halt ist dös — er woaß it recht: "Bin i a Baursmann oder Hear? Wenn i decht wüßt' wohin i ghear! I mua i war siest wotta nobl — I war o hahl — da braucht's kuan Hobl. So fei' und gschmeidi' bin i grad; Nu' ua's fahlt mir — um dös ist schad: So lang dös Knopfloch da ist laar — Bin i kua Hear — der fürnehm war." Von der Wassersucht "Los Mannla, was Dir fahla söll! Woaßt was der Dokter söt? Gar d'Wassersucht! — Fest globts dear Gsöll!" ""Da ist decht gwieß kua Red, Hon ja kua Wasser möga nia; Mit'n Wasser laß mig aus! An Dreck — sag i — muaß dear verstia, Dös war a feina Maus. D' Mixtur aweck — tu hea an Wei'! Siechst d'Wei'sucht woll — kannt's iander sei'."" Drei Schwestera Der Nannl ihr Harz Dös ist sövl' klua, D'rum hat sie hald o — Grad uan Bua allua. Der Moidl dös ihr' Dös ist söv'l groaß, Dö hat d'Buaba all' Soviel ma' nu' woaß. Bei der Zenzl geats wie — In an Stellwaga drei(n), Der uana steigt aus — Und der ander steigt ei'. |